Quién semus?

El Órganu de Siguimientu i Cordinación del Estremeñu i la su Coltura es una associación fundá nel 2011 con el afán de servil d’encontraeru palos estudiosus, escrevioris i amantis dela coltura i la lengua estremeñas. El Órganu tien por finis estudial i reglamental la lengua estremeña, assín comu trebajal por esparramá-la, acrecel el usu della i atorgá-lli caraiti estitucional. Tamién precuramus una presencia mayol dela dentiá estremeña nel espaciu púbricu dela nuestra Comunidá, palo qual entablamus amistá con pressonas i associacionis colturalis de tol territoriu que vestiguin i defiendan el patrimoñu palrau, musical, gastronómicu, arquitectónicu i otrus saberis i pláticas tradicionalis.

Pa hazel llegal al púbricu el nuestru proyetu, damus chalras duranti tol añu por tol territoriu estremeñu. Si quieris participal ena Renacencia dela nuestra coltura i la nuestra lengua manda-mus un messagi p’apreparal un actu ena tu localidá. Tenemus abondu de que palral, escrivi-mus a oscecestremaura@gmail.com

*

El Órgano de Seguimiento y Coordinación del Extremeño y su Cultura es una asociación fundada en 2011 con el propósito de servir de punto de encuentro de estudiosos, escritores y amantes de la cultura y la lengua extremeñas. El Órgano tiene como objetivos estudiar y normativizar la lengua extremeña, así como trabajar por difundirla, acrecentar su uso y otorgarle carácter institucional. También abogamos por una mayor presencia de la identidad extremeña en el espacio público de nuestra Comunidad, para lo cual establecemos contacto con personas y asociaciones culturales de todo el territorio que investiguen y defiendan el patrimonio oral, musical, gastronómico, arquitectónico y otros saberes y prácticas tradicionales.

Para hacer llegar al público nuestro proyecto, impartimos charlas durante todo el año por toda la geografía extremeña. Si quieres ser partícipe de la Renacencia de nuestra cultura y nuestra lengua ponte en contacto con nosotros para preparar un acto en tu localidad. Tenemos mucho de lo que hablar, escríbenos a oscecestremaura@gmail.com

Anuncios